کراچی(این این آئی)جاز کیش نے ای ایف یو لائف اشورنس لمیٹڈ کے اشتراک سے اپنے قرض صارفین کیلئے مفت لائف اور ہیلتھ انسورنش متعارف کروادی ہے۔ یہ اقدام ذمہ دار طریقوں سے چھوٹے قرضوں کی فوری فراہمی کے فروغ کے ساتھ صارفین کی صحت اور زندگی کو مالی تحفظ فراہم کرتا ہے۔ نینو لونز (چھوٹے قرض) جیسا کہ جاز کیش کا ریڈی کیش معاشرے کو بااختیار بنانے میں اہم کردار ادا کرتے ہیں۔ یہ قلیل مدتی قرضے نہ صرف افراد اور چھوٹے کاروباروں پر انتہاء مثبت اثرات مرتب کرتے ہیں بلکہ پاکستان کے مالی شمولیت کے ہدف کے مطابق باضابطہ کریڈٹ تک رسائی فراہم کرتے ہیں۔
اس اقدام سے مالی وسائل تک فوری رسائی ممکن ہوتی ہے جس سے لوگ اپنی ضروریات کو پورا کرنے کے ساتھ ساتھ کاروباری مواقع سے مستفید ہوتے ہیں اور غیر متوقع اخراجات کو پورا کرپاتے ہیں۔دستخطی تقریب سے خطاب کرتے ہوئے جاز کیش کے چیف پراڈکٹ آفیسر عامر آفتاب نے کہا”ہمارا عزم صارفین کے بہترین مفادات کو تحفظ فراہم کرنا ہے۔
چھوٹے قرض غیر متوقع مشکلات کیلئے حفاظت اور فوری مالی معاونت فراہم کرتے ہیں۔ ریڈی کیش کیلئے مفت لائف اور ہیلتھ انشورنس کے ذریعے ہم نہ صرف قرضوں تک رساء کو نئی جہت فراہم کررہے ہیں بلکہ خوابوں اور مستقبل کو محفوط بنارہے ہیں کیونکہ ہم اپنے صارفین کی فلاح وبہبود کو باقی تمام چیزوں پر فوقیت دیتے ہیں۔”ای ایف یو لائف اشورنس کی ڈی جی ایم اور ہیڈ چینل سٹریٹجی نیلوفر سہیل نے کہا، ”نینو لینڈنگ (چھوٹے قرضوں) کے ساتھ انشورنس کی فراہمی کیلئے جاز کیش کے ساتھ شراکت داری پر ہمیں خوشی ہے۔ یہ اشتراک لاکھوں صارفین تک ہماری خدمات پہنچانے کیلئے ہمیں بااختیار بنائے گا۔
اس اقدام کے ذریعے ہم نہ صرف اپنی پیشکشوں میں اضافہ کریں گے بلکہ صارف کے تجربے کو بھی مسلسل بہتر بنائیں گے۔”جاز کیش موبائل ایپ یا یو ایس ایس ڈی کے ذریعے قلیل مدتی فوری قرضہ لوگوں کی مالی ضروریات کوپورا کرنے کے عمل کو آسان بناتا ہے۔لائف اور ہیلتھ انشورنس کے اضافہ سے صارفین کو مختلف معاشی مشکلات سے تحفظ حاصل ہوگا جو صارف کی فلاح وبہبود پر مبنی جاز کیش کے عزم کا اظہار ہے۔
ریڈی کیش کے ذریعے صارفین زیادہ سے زیادہ آٹھ ہفتوں کے لئے قلیل مدتی قرضے حاصل کرسکتے ہیں۔ہفتہ وار نان کمپاؤ نڈنگ اورکم فیس کے ساتھ اس قرضہ کا حصول اور انتظام انتہاء آسان ہے۔ یہ فیس آٹھ ہفتوں کے دوران تبدیل نہیں ہوتی اور قرض کی مدت مکمل ہونے کے بعد قابل ادا رقم میں مزید کوء اضافہ نہیں ہوتا۔ ریڈی کیش کے ذریعے صارفین بڑھتی ہوئی لاگتوں کی فکر کئے بغیر قلیل مدت قرضہ کے فوائد سے فائدہ اٹھاسکتے ہیِں۔
