لاہور (نیوزڈیسک )سعودی عرب میں حج کے دوران پیش آنے والے واقعے میں شہید ہونیوالوں میں لاہور کا رہائشی محمد عارف بھی شامل ہے جبکہ بھکر کا رہائشی خلیل مغل واقعے سے قبل شدید گرمی کی تاب نہ لاتے ہوئے چل بسا ۔ نجی ٹی وی کے مطابق سعودی عرب میں حاجیوں کی طرف سے مذہبی شعائر کی ادائیگی کے دوران منیٰ میں اجتماع حج کے دوران بھگدڑ مچنے سے شہید ہونے والوں میں ایک پاکستانی کی بھی تصدیق ہو گئی ہے جس کا نام محمد عارف ہے اور وہ لاہور کے علاقے گرین ٹاﺅن کا رہائشی ہے۔ واقعے کی اطلاع ملنے پر لوگوں کی بڑی تعداد محمد عارف کے گھر جمع ہو گئی ہے اہل خانہ سے اظہار تعزیت کرتی رہی۔ اس کے علاوہ ایک اور پاکستان بھکر کا رہائشی خلیل مغل واقعے سے قبل شدید گرمی کی تاب نہ لاتے ہوئے بھی چل بسا ہے۔