پشاور(این این آئی)اپر چترال میں کوراغ کے مقام پر دریائے چترال پر قائم چئیر لفٹ میں پھنسے3افراد کو بحفاظت نکال لیا گیا ۔ریسکیو1122چترال کے مطابق چیئرلفٹ مین 3 افراد کے پھنسنے کی اطلاع پر ریسکیو1122 ڈیزاسٹر ٹیم موقع پر پہنچ کر پیشہ وارنہ طریقے سے امدادی سرگرمیاں شروع کیں، ریسکیو اہلکار وں نے ٹوٹی ہوئی رسی پر رنگ کی مدد سے ریپیلنگ کرتے ہوئے ڈولی تک پہنچ کر اس کوصحیح کرتے ہوئے رسی سے باندھ دیا ۔ریسکیو اہلکار واپس ریپیلنگ کرتے ہوئے کنارے پر پہنچا اور ڈولی کو کھینچ کر کنارے پر منتقل کرتمام پھنسے ہوئے افراد کو بحفاظت نکال لیاگیا ۔

ریسکیو1122کے مطابق تینوں افراد چیئرلفٹ کے زریعے گہکیر کی جانب سے بونی آ رہے تھیکہ کوراغ کے مقام پر ان کاچیئرلفٹ حادثے کا شکار ہوء ۔ابتدائی اطلاعات کے مطابق واقعہ رسی ٹوٹنے کی وجہ سے پیش ایا،ریسکیو1122 کا آپریشن 45 منٹ تک جاری رہا۔