رانی پور (این این آئی)رانی پور میں فاطمہ ہلاکت کیس کے مرکزی ملزم اسد شاہ کی مریدوں سے خفیہ ملاقاتوں کا انکشاف ہوا ہے۔میڈیا رپورٹ کے مطابق اعلی حکام کی جانب سے ملاقات پرپابندی کے باوجود مقامی ایس ایچ او مبینہ طور پر رقم لے کر ملزم پیر اسد شاہ کی مریدوں سے ملاقاتیں کروانے لگا۔

اس سے قبل ڈی آئی جی سکھر جاوید جسکانی کہہ چکے ہیں کہ اس کیس میں پولیس کوئی دبابرداشت نہیں کریگی، کیس میں نامزد ملزمہ حنا شاہ کی 7 روزہ ضمانت کی مدت بھی ختم ہوگی۔مظلوم خاندان کو انصاف دلانے کے لیے پولیس بااثر ملزمہ کو گرفتار کرے گی یا نہیں، متاثرین نے اعلی حکام سے امیدیں باندھ لیں۔