لاہور( این این آئی)پنجاب کے نگران وزیر اطلاعات عامر میر نے کہا ہے کہ عمران خان کو پی ٹی آئی کے 25نام نہاد شہدا ء کے نام پر ساڑھے پانچ لاکھ امریکی ڈالرز اینٹھنے پر شرم سے ڈوب مرنا چاہیے ،لالچی خان نے فرضی لاشوں کا دعوی کر کے پاکستانی امریکن کمیونٹی سے 5 لاکھ 34 ہزار ڈالرز بطور امداد لینا تسلیم کیا ہے۔

اپنے بیان میں انہوںنے کہا کہ خان صاحب کو ایک کالے جھوٹ کی بنیاد پر ڈالرز ٹھگنے پر شرم سے ڈوب مرنا چاہیے کیونکہ جس طرح انہوں نے 9مئی کو پاکستان بھرمیں شرانگیزی کی اور دفاعی اداروں پر حملے کئے وہ شرمناک حرکت ہے۔ انہوں نے کہا کہ عمران خان اور اسکے حواریوں کی جانب سے یہ فارن فنڈنگ بھی 9 مئی کی طرح انتشار اور فساد پھیلانے کیلئے استعمال ہوگی۔ عامر میر نے کہا کہ 9 مئی کو پنجاب پولیس پر اسلحہ استعمال کرنے کی پابندی تھی تاکہ کسی بھی قسم کی خونریزی نہ ہو اس لئے عمران خان کی جانب سے 25 افراد کی ہلاکت کا دعوی حالیہ تاریخ کا سب سے بڑا جھوٹ ہے۔