کوالالمپور(نیوز ڈیسک )کوالالمپور مسجد میں عجیب و غریب صورتحال پیدا ہو گئی جب دوران نماز ایک شخص نے آ کر امام مسجد کو ایک زوردار تھپڑ رسید کیا. تفصیلات کے مطابق مسجد کے امام محمد ظہاری محمد یاتمواس سورہ فاتحہ کی تلاوت کر رہے تھے کہ اچانک بظاہر غیر ملکی دکھائی دینے والے ایک شخص نے آ کر ان کو ایک زور دار تھپڑ مارا جس کے بعد مذکورہ شخص نے امام مسجد کی جگہ لینے کی بھی کوشش کی جسے مسجد کی انتظامیہ نے ناکام بنا دیا. نمازیوں کا کہنا تھا کہ دیکھنے میں وہ شخص ذہنی مریض معلوم ہوتا تھا کیونکہ وہ خود سے بھی ہمکلا م ہو رہا تھا. تاہم بعد میں اسے مسجد کے سکیورٹی گارڈز نے پکڑ کر پولیس کے حوالے کر دیا۔