اسلام آباد (این این آئی) وفاقی وزیر اور ترجمان پیپلزپارٹی فیصل کریم کنڈی نے سابق وزیر اعظم عمران خان کے بیان پر رد عمل کااظہار کرتے ہوئے کہا ہے کہ 9 مئی کو ثابت ہو چکا تم کتنے خطرناک ہو۔ اپنے بیان میں انہوں نے کہاکہ جو شخص خطرناک ہونے کی دھمکیاں دیتا تھا اب کہتا ہے ان کی جان کو خطرہ ہے۔

انہوں نے کہاکہ مسٹر خطرناک 9 مئی کے جرم کا اعتراف کرو، تم نے دو نسلوں کو گمراہ کیا اس کا کفارہ کون کریگا۔ انہوں نے کہا کہ بہادر اور سچے لیڈر ڈسٹ بن میں منہ نہیں چھپاتے۔ انہوں نے کہاکہ غیرملکی سازش کا ڈھنڈورا پیٹنے والا اب غیر ملکیوں کے جوتوں میں چھپنے کی کوشش کر رہا ہے۔ فیصل کریم کنڈی نے کہاکہ عمران خان کا مکروہ چہرہ بے نقاب ہونے پر لوگ پی ٹی آئی کو چھوڑ رہے ہیں۔

موضوعات:فیصل کریم کنڈی