اسلام آباد(این این آئی)سابق وزیراعظم عمران خان کے سینئر فوجی افسر پر الزامات لگانے کے بعد ترجمان پاک فوج کے سخت پیغام پر پی ٹی آئی کے سینئررہنماء اسد عمرنے کہاہے کہ آئی ایس پی آر سے مکمل اتفاق کرتا ہوں الزامات کے حل کے لیے قانونی راستہ اختیار کیا جائے ۔ٹویٹرپر اپنے بیان اسدعمرنے کہاکہ عمران خان نے ایف آئی آر درج کرکے سپریم کورٹ سے رجوع کرنے کی کوشش کی ہے، اس قانونی راستے کی حمایت کرنے والا ادارہ ایک بہت مثبت قدم ہوگا۔

دوسری جانب ٹویٹر پر اپنے ایک بیان میں پی ٹی آئی کے سینئر رہنما فواد چودھری نے لکھاہے کہ آئی ایس پی آر نے حیران کن پریس ریلیز جاری کی ہے، اگر عمران خان سمجھتے ہیں ان پر قاتلانہ حملہ میں کوئی افسر ملوث ہیں تو آزادانہ اور شفاف تحقیقات کے ذریعے ان کو مطمئن کیا جانا چاہئے کہ ایسا نہیں ہے۔فواد چودھری نے کہا کہ لیکن الزام کی تحقیقات سے انکار اور ایسی پریس ریلیز سے آپ بتا رہے ہیں کہ پاکستان میں آپ قانون سے بالاتر ہیں ایسے رویے قوموں کیلئے تباہ کن ہیں۔

موضوعات:اسدعمر