سعودی عرب (نیوز ڈیسک ) 2013 ءمیں دنیا کے وزنی ترین نوجوان کا اعزاز حاصل کرنے والے 17 سالہ سعودی نوجوان نے اپنے وزن میں قریباً 490 کلو کی کمی کر لی ہے جس کے بعد اس کا وزن 120 کلو رہ گیا ہے. تفصیلات کے مطابق خالد الشیری کو 2013 ئ میں خوفناک حد تک وزن بڑھ جانے کے باعث کرین کے ذریعے سعودی دارالحکومت ریاض کے شاہ فہد میڈیکل سینٹر منتقل کیا گیا جہاں اس کا علاج شروع کر دیا گیا . خالد کا وزن اس وقت 610 کلو گرام تھا. تاہم دو سال کا عرصہ گزر جانے کے بعد خالد کے ڈاکٹرز کا کہنا ہے کہ 490 کلو گرام وزن کم کرنے کے بعد خالد کی حالت اب قدرے بہتر ہے جس کے باعث وہ بآسانی نقل و حرکت بھی کر سکتا ہے خالد کی میڈیکل ٹیم کے سر براہ ڈاکٹر احمد حکمی نے مزید بتایا کہ خالد کو جلد ہی اسپتال سے گھر منتقل کر دیا جائے گا. مرحوم شاہ عبد اللہ کے احکامات پر خالد کی گھر سے اسپتال منتقلی کے لیے امریکہ سے خصوصی کرین اور اسپتال کے لیے خصوصی بیڈ منگوایا گیا تھا.