جمعہ‬‮ ، 20 فروری‬‮ 2026 

احمد کی حمایت میں ٹویٹر پر مہم چلانے والی لڑکی سامنے آ گئی

datetime 17  ستمبر‬‮  2015 |

ٹیکساس (نیوز ڈیسک) امریکہ میں 14 سالہ احمد محمد کی حمایت کے لیے بنائے گئے ہیش ٹیگ بنانے والی لڑکی سامنے آ گئی۔ اس ہیش ٹیگ آئی سٹینڈ ود احمد کے ذریعے سات لاکھ سے زائد افراد نے ٹویٹر پر احمد محمد کے ساتھ اپنی حمایت کا اظہار کیا ہے۔ یاد رہے 14 سالہ طالب علم احمد محمد کی گھر میں بنائی ہوئی گھڑی کو سکول لانے پر بم سمجھ کر انھیں گرفتار کر لیا گیا تھا۔ اس ہیش ٹیگ کا آغاز آمنہ جفاری نے کیا تھا۔ انھوں نے اپنے ٹویٹ میں لکھا کہ اگر ان کا نام جان ہوتا تو کہا جاتا وہ ذہین ترین بچہ ہے۔ لیکن کیونکہ ان کا نام احمد ہے اس لیے ان کو مشتبہ بنادیا گیا۔ ڈبل سٹینڈرڈز آئی سٹینڈ ود احمد۔ آرلنگٹن میں ٹیکساس یونیورسٹی کی 23 سالہ طالبہ آمنہ جفاری کو یہ جان کر صدمہ پہنچا تھا کہ ان کی ریاست میں اتنے کم عمر طالب علم کو گرفتار کرلیا گیا ہے۔ بی بی سی ٹرینڈنگ سے بات کرتے ہوئے انھوں نے کہا کہ وہ نو بہن بھائیوں میں سب سے بڑی ہیں اوران میں سے دو کی عمریں احمد کی عمر کے آس پاس ہیں اس لیے انھیں اس واقعے کا زیادہ شدت سے احساس ہوا۔ اس واقعے کے بارے میں ان کا پہلا ٹویٹ کے ری ٹویٹ ہونے کی تعداد 501 بار ہے جو کہ ٹویٹر پر ان کے کل فالوئرز کی تعداد سے دگنی ہے۔یو ٹی آے کے مسلمان طالبعلوں کی تنظیم، مسلم سٹوڈنٹس ایسوسی ایشن (ایم ایس اے) کی سابق صدر ہونے کی حیثیت سے اسلام مخالف جذبات اور مذہبی بنیادوں پر امتیازی سلوک کے موضوعات پر بات کرنا ان کے لیے نئی بات نہیں۔ وہ کہتی ہیں لوگوں کے ذہنوں میں مسلمانوں کے بارے میں غلط تصورات موجود ہیں۔ میرے (ایم ایس اے) جانے کی وجہ یہی تھی کے میں اپنے ہم خیال لوگوں سے ملنا چاہتی تھی۔وہ ہیش ٹیگ کے ذریعے نسلی تعصب کے مسئلے کو اجاگر کرنا چاہتی تھیں اور ا±س وقت انھیں خوشگوار حیرت کا سامنا ہوا جب انھوں نے دیکھا کہ احمد کی حمایت میں نہ صرف مسلمان بلکہ غیر مسلم بھی آگے آئے ہیں۔ جفاری کہتی ہیں ’مجھے ایسامحسوس ہو جیسے ا±ن لفظوں میں اتنی طاقت تھی کہ وہ نہ صرف احمد بلکہ ان لوگوں کے لیے بھی تھے جن کو مذہبی بنیادوں پر، ان کی نسل یا نام کے باعث امتیازی سلوک کا سامنا رہا ہو۔جفاری حیران ہیں کہ ان کا بنایا ہوا ہیش ٹیگ اتنی مقبولیت حاصل کرچکا ہے۔وہ کہتی ہیں ’میرا خیال تھا کہ یہ ہیش ٹیگ صرف ڈیلس میں مقامی سطح پر ہی استعمال ہوگا، مجھے اندازہ نہیں تھا کہ یہ اتنا مقبول ہوجائے گا۔ دوسرے لوگوں کو اپنے ساتھ یوں کھڑے دیکھنا نہایت متاثر کن ہے۔

آج کی سب سے زیادہ پڑھی جانے والی خبریں


کالم



رعونت پر بکھری ہوئی خاک


کراچی میں وسیم انصاری نام کا ایک چھوٹا سا سٹیج…

وہ واقعہ جو کتاب میں نہیں

1999ء میں دو وزیراعظم ہانگ کانگ میں ایک ہی ہوٹل…

بخاریؒ کو امام بنانے والے لوگ

نویں صدی کا شہر بخاراتھا اور اس شہر میں ایک سادہ…

شوگر کے مریضوں کے لیے

گرو زاہد سے میرا رابطہ ایک ویڈیو کلپ سے ہوا تھا‘…

بسنت کے معاملے میں

یہ آج سے پندرہ برس پرانی بات ہے‘ میں اپنے بچوں…

بٹرفلائی افیکٹ

وہ دکان کے سامنے پریشان کھڑی تھی‘ اس کے بال الجھے…

آئل اینڈ سپیس وار

مجھے ایران میں مظاہروں کی پہلی اطلاع 31دسمبر 2025ء…

محبت تا ابد

وہ بے چارہ 1627ء تک غیر معروف اور نامعلوم تھا‘…

اصفہان میں دو دن

کاشان سے اصفہان کے لیے دو راستے ہیں‘ پہلا راستہ…

کاشان میں ایک دن

کاشان قم سے ڈیڑھ گھنٹے کی ڈرائیو پر واقع ہے‘…

قم میں آدھا دن

ہم تیسرے دن قم روانہ ہو گئے‘ قم تہران سے ڈیڑھ…