لاہور (نیوز ڈیسک) اداکارہ میرا نے ضمانت کے مچلکے جمع کرا دیئے جس پر عدالت نے ان کی ضمانت منظور کر لی۔ عدالت نے میرا کو پچاس ہزار کا ضمانتی مچلکہ جمع کرانے کا حکم دیا جس پر سید حسین نامی شخص نے میرا کے ضمانتی مچلکے جمع کرائے جس پر ان کی نکاح پر نکاح کے کیس میں ضمانت منظور کر لی گئی۔ اداکارہ میرا کا کہنا ہے کہ میرا دلہا کون ہو گا فیصلہ امی کریں گی۔۔اداکارہ میرا کے نکاح پر نکاح کرنے کے کیس کی سماعت لاہور کی مقامی عدالت میں ہوئی۔ اداکارہ میرا کیخلاف ان کے شوہر ہونے کے دعویدار عتیق الرحمان نے درخواست دائر کر رکھی ہے۔درخواست گزار کا کہنا تھا کہ میرا نے میرے ساتھ نکاح کے بعد ایک اور نکاح کیا جو کہ غیر قانونی لہذا ان کیخلاف کارروائی کی جائے۔