اسلام آباد (این این آئی)سپریم کورٹ میں2 ججز کی خالی نشستوں کے معاملے پر جسٹس قاضی فائز عیسیٰ نے جوڈیشل کمیشن کے تمام ممبران کو خط لکھ دیا۔

ذرائع کے مطابق جسٹس قاضی فائز عیسیٰ نے پشاور اور سندھ ہائی کورٹ کے چیف جسٹس صاحبان کو نامزدکیا ہے۔ذرائع کے مطابق جسٹس فائز عیسیٰ نے کہا ہے کہ سپریم کورٹ میں تعیناتی کیلئے جسٹس مسرت اور جسٹس احمد علی شیخ کے ناموں پر غور کیا جائے۔ذرائع کے مطاق خط میں کہا گیا کہ سینیارٹی اصول پر دونوں چیف جسٹس صاحبان کو سپریم کورٹ لانے پر غور کیا جائے، جسٹس قاضی فائزعیسیٰ نے جوڈیشل کمیشن کا اجلاس جلد بلانے پر بھی زور دیا ہے۔خیال رہے کہ سپریم کورٹ میں اس وقت 17 ججز کی جگہ 15 ججز کام کر رہے ہیں۔