نیویارک (نیوز ڈیسک)سرچ انجن گوگل کی جانب سے پناہ گزینوں کی امداد کے لئے 11 ملین ڈالر کی اپیل کی گئی ہے۔گوگل نے پناہ گزینوں کی مدد کرنے والی تنظیموں کیلئے رقم جمع کرنے کیلئے نئی مہم کا اعلان کیا ہے ، مہم کے دوران تارکین وطن کی مدد کرنے والی تنظیموں کیلئے 11ملین ڈالر جمع کیے جائیں گے۔گوگل نے اس مہم کے آغاز کے لئے اپنے روایتی عمل سے ہٹ کر کمپنی کے ذاتی بلاگ سے لوگوں کو عطیات دینے کی اپیل کی ہے جبکہ گوگل عام طور پر کوئی بھی اہم اعلان اپنی کمپنی کے اعلیٰ عہدیداروں سے کرواتا ہے مگر اس بار انہوں نے عطیات کی اپیل کمپنی کی ایک افغان نڑاد ورکر ریٹا مسعود سے کروائی ہے۔ریٹا نے بلاگ میں لکھا ہے میرے کابل سے فرار کے سفر میں بہت سی تاریک ٹرین اور بسوں کے سفر شامل تھے اور اس دوران ہمیں شدید بھوک ، پیاس ، ٹھنڈ اور خوف کا سامنا تھا۔یورپ میں مہاجروں اور پناہ گزینوں کا بحران بہت زیادہ بڑھ چکا ہے اور میرے خاندان جیسے بہت سے لوگوں کو مدد کی اشد ضرورت ہے۔