آسٹن (نیوز ڈیسک) اساتذہ کو متاثر کرنے کے لئے گھر میں بنا ہوا کلاک سکول لانے والے طالبعلم کو گرفتار کرلیا گیا۔ سوڈانی نژاد احمد محمد سرکٹ سے بھرا پنسل کیس لے کر سکول آیا جس پر انتظامیہ نے پولیس کو اطلاع کردی اور پولیس نے اسے حراست میں لے کر بچوں کی جیل منتقل کردیا ہے۔ ایک ٹیچر کا کہنا ہے کہ کلاک احمد کے بیگ میں تھا جس وقت اس کی آواز آئی تو احمد نے اسے باہر نکال کر رکھا دیا جس پر بعض لوگوں کو شک ہوا کہ یہ ایک بم ہے۔ ایک مقامی اخبار کے مطابق پولیس کا کہنا ہے کہ طالبعلم پر بم کی افواہ کا مقدمہ درج کیا جائے گا جبکہ طالبعلم نے کلاس میں ہر کسی کو بتایا تھا کہ یہ ایک کلاک ہے۔ احمد محمد نے بتایا کہ اس نے اتوار کو سونے سے قبل بیس منٹ میں میں ایک پنسل کیس اور سرکٹ کی مدد سے یہ کلاک بنایا۔ طالبعلم کا مزید کہنا ہے کہ اسے روبوٹک سائنس میں بہت زیادہ دلچسپی ہے