بیجنگ(نیوزڈیسک) چین کے صوبے جیانگ سو میں دو افراد نے ایپل کمپنی کے نئے آئی فون 6 ایس خریدنے کے لیے گردہ بیچنے کا فیصلہ کر لیا تاہم وہ اپنی ایجنٹ کے چکمہ دینے کے باعث اپنی کوشش میںکامیاب نہ ہو سکے۔چین کے مقامی روزنامہ چائنا ڈیلی کے مطابق وو نامی ایک شخص آئی فون 6 ایس خریدنا چاہتا تھا، لیکن ا±س کے پاس اتنے پیسے نہیں تھے، جس پر اس کے دوست ہوانگ نے مشورہ دیا کہ وہ دونوں اپنا ایک ایک گردہ بیچ کر یہ رقم حاصل کرلیتے ہیں۔رپورٹ کے مطابق دونوں نے انٹرنیٹ پر ایک ایجنٹ کو تلاش کیا، جس نے انھیں نانجنگ کے ایک ہسپتال میں طبی معائنہ کرانے کو کہاتاہم 12 ستمبر کو جب وہ دونوں ہسپتال پہنچے تو انھوں نے ایجنٹ کو وہاں موجود نہ پایا۔دونوں نے اپنے فیصلے پر نظر ثانی کی اور وو نے اپنے دوست ہوانگ کو اس عمل سے باز رہنے کا مشورہ دیا،لیکن ہوانگ نے بات ماننے سے انکار کردیا۔رپورٹ کے مطابق وو نے بعد ازاں پولیس کو ساری صورتحال بتا دی جبکہ ہوانگ فرار ہوگیا اور اس کے بعد سے اس کا کچھ علم نہیں۔