ایمسٹریڈم(نیوز ڈیسک) ہالینڈ کے ماہرین نے طاقتور لہریں بنانے کا ایک ایسا نظام بنایا ہے جس سے سیلاب اور طوفان کے خطرات کے شکار علاقوں کو آبی تباہی سے بچانا ممکن ہوگا۔ہالینڈ کی ڈیلٹا ورکس نامی کمپنی سیلاب کی روک تھام اور آبی تباہ کاریوں سے نمٹنے کے لئے تعمیرات کے حوالے سے دنیا بھر میں جانی جاتی ہے، کمپنی نے سمندروں میں طغیانی اور سیلابی صورت حال پر نظر رکھنے اور اس کے نتیجے میں کسی بھی ممکنہ نقصان سے بچنے کے لئے خصوصی نظام بنایا ہے۔
کمپنی سے منسلک ماہرین نے 10 میٹر بلند فولادی دیوار کی مدد سے 90 لاکھ لیٹر پانی کے ذریعے 5 میٹر تک اونچی لہریں پیدا کی ہیں جب کہ ماہرین کا کہنا ہے کہ اس سے سونامی کی مانند اونچی لہریں بنائی جاسکتی ہیں۔ ان لہروں کی مدد سے سمندروں میں پیدا ہونے والی طغیانی اور دریاو¿ں میں سیلابی صورت حال کے باعث نشیبی علاقوں کو نقصان سے بچایا جاسکتا ہے۔واضح رہے کہ سیلابوں کو روکنے اور ان سے بچاو¿ کے سلسلے میں ہالینڈ کے ماہرین نے بہت غیرمعمولی کام کیا ہے کیونکہ اس کی دو تہائی زمین سیلابوں کے خطرے سے دوچار ہیں اور یہ نشیبی ممالک میں شامل ہیں۔ واضح رہے کہ اس نظام سے ماہرین سمندری لہروں اور سونامی کا مطالعہ کرتے ہیں تاکہ ان کو سمجھتے ہوئے سیلابوں اور طوفانوں سے بچا جاسکے۔