لاہور(نیوزڈیسک)پنجاب حکومت کو”کالے ہاتھیوں“نے پریشان کرڈالا، حکومت پنجاب کی جانب سے سرکاری بلٹ و بم پروف و مہنگی گاڑیوں کے لئے متعلقہ حکومتی عہدیداروں، افسران و انکے ڈرائیورز کو نئے احکامات جاری کر دئیے گئے ہیں۔ بلٹ پروف گاڑیوں پر آئے روز بھاری اخراجات آنے کی صورت میں یہ احکامات جاری کئے گئے ہیں۔سرکاری دستاویزات کے مطابق بلٹ پروف گاڑی کو دھوپ میں کسی صورت کھڑا نہ کیا جائے، بریک لگانے کے لئے دوسری گاڑی سے مندرجہ ذیل فاصلہ رکھا جائے: اگر 40 کلو میٹر فی گھنٹہ کی رفتار ہے تو 5 سے 6 میٹر تک کا فاصلہ رکھا جائے اور اگر 60 کلو میٹر فی گھنٹہ کی رفتار ہے تو 13 سے 14 میٹر تک کا فاصلہ رکھا جائے۔ اسکارٹ کے ساتھ چلتے وقت گاڑی انتہائی احتیاط سے چلائی جائیں گی۔ دورانِ سفر گاڑیوں کا باہمی فاصلہ نارمل فاصلے سے دوگنا رکھا جائیگا۔ بلٹ پروف گاڑی 90 کلو میٹر فی گھنٹہ کی رفتار سے زیادہ کسی صورت نہ چلائی جائیگی۔ گاڑی کو صرف شہر میں استعمال کیا جائے اور شہر سے باہر لے جانے سے اجتناب کیا جائیگا۔ گاڑی کے ٹائروں میں رن فلیٹ کو فٹ کیا گیا ہے جس کے لئے پی ایس ا?ئی 50 ٹائر پریشر برقرار رکھا جائیگا۔ جبکہ بلٹ پروف گاڑیاں ٹویوٹا، ہائی لکس، ویگو چَیمپ اور ٹویوٹا کرولا، آلٹس 1.6کے لئے جو ہدایات جاری کی گئی ہیں، ان میں گاڑی کے تیل پانی کا روزانہ معائنہ کیا جائیگا۔