سڈنی(سپورٹس ڈیسک)پاکستان کرکٹ ٹیم کے کوچ مکی آرتھر نے ناشتے کی میز پر آسٹریلین ہم منصب جسٹن لینگر کے چیلنج کا جواب دیتے ہوئے کہاہے کہ آپ ہمیں ہلکا مت لیں ٗجب میدان میں ہوں گے تب بات ہوگی ۔میڈیارپورٹ کے مطابق پاکستان کرکٹ ٹیم کے کوچ مکی آرتھر ان دنوں آسٹریلیا میں ہیں جہاں پرتھ میں ان کی ملاقات اپنے پرانے دوست آسٹریلین کرکٹ ٹیم کے کوچ جسٹن لینگر سے ناشتے کی میز پر ہوئی۔باتوں ہی باتوں میں لینگر نے

آرتھر کو چیلنج کر ڈالا کہ اکتوبر میں پاکستان جب یو اے ای میں مدمقابل ہوگا ٗتو لگ پتہ جائیگا تاہم قومی ٹیم کے کوچ مکی آرتھر نے بھی لینگر کی باتوں کو سنجیدہ نہیں لیا ۔مکی آرتھرنے لینگر کو جواب دیتے ہوئے کہا کہ یو اے ای کی اسپن وکٹوں پر آسٹریلیا انہیں آسان نہ سمجھے ٗآسٹریلیا آسان ٹیم نہیں تاہم گرین شرٹس جیت کے ٹریک پر ہے۔واضح رہے کہ پاکستان کے خلاف دو ٹیسٹ میچز کی سیریز کیلئے آسٹریلیا کے جسٹن لینگر کا بحیثیت کوچ پہلا اسائنمنٹ ہوگا۔

موضوعات:مکی آرتھر