لاہور(سی پی پی )پاکستان ہاکی فیڈریشن کے سیکریٹری شہباز احمد نے کہا ہے کہ قومی ہاکی ٹیم کے کوچ کا فیصلہ ابھی نہیں ہوا۔قومی ہاکی ٹیم کے کوچ فرحت خان نے گزشتہ دنوں اپنے عہدے سے استعفیٰ دیا جس کے بعد انہیں سلیکشن کمیٹی میں شامل کرلیا گیا ہے جبکہ قومی ٹیم کے کوچ کے لیے غیر ملکی کوچ سے رابطوں کی خبریں زیرگردش ہیں تاہم اس حوالے سے اب تک کوئی نام سامنے نہیں آسکا ہے۔

سیکریٹری پاکستان ہاکی فیڈریشن شہبازاحمد نے کہا کہ قومی ٹیم کے لیے کوچ کا فیصلہ ابھی نہیں ہوا جبکہ جرمن کوچ کرسچین بلانگ سے بھی کوچنگ کے لیے کوئی رابطہ نہیں کیاگیا۔شہباز احمد کا کہنا تھا کہ غیر ملکی کوچ کا آپشن موجودہے، 30 دسمبر کو سکھر میں پی ایچ ایف کی جنرل کونسل کا اجلاس ہوگا جس میں حتمی فیصلہ کیا جائے گا۔

موضوعات:شہباز احمد