پشاور(مانیٹرنگ ڈیسک) سابق اسٹار کرکٹر یونس خان نے کہا ہے کہ ملک میں بین الااقوامی کرکٹ کی واپسی کے لیے ضروری ہوگیا ہے کہ پاکستان سپر لیگ کے میچ ملک کے ہر شہر میں کرائے جائیں۔لیجنڈ کرکٹریونس خان پشاور میں اسلامیہ کالج میں پچ کا افتتاح کرنے کے

بعد میڈیا سے گفتوگ کر رہے تھے انہوں نے کہا کہ ادارے ایسا ماحول بنائیں کہ عالمی کھلاڑی پاکستان میں کھیلنے آئیں جس کے لیے سب پہلے خود پاکستان کرکٹ بورڈ کو پی ایس ایل کے تمام مقابلے ملک کے ہر شہر میں کرائے۔یونس خان کا کہنا تھا کہ پی سی بی کو چاہیئے ان تمام ممالک کو بار بار یاد دلائیں اور رابطے میں رہیں جنہوں نے پاکستان آنے کا وعدہ کررکھا ہے اسی طرح میں دیگر ممالک سے بھی عالمی کرکٹ کو پاکستان میں واپس لانے کے لیے آگے آنے کی اپیل کرتا ہوں۔ایک سوال کے جواب میں اسٹار بلے باز یونس خان نے کہا کہ کرپشن سے ملک اور اداروں کو نقصان کو ہوتا ہے چنانچہ اس کا سدباب ہونا ضروری ہے تاکہ ادارے اپنا کام بہتر انداز سے کر سکیں۔انہوں نے کہا کہ مجھ سے بار بار سیاست میں حصہ لینے سے متعلق سوال کیا جاتا ہے اور ہر بار یہی جواب دیتا ہوں کہ سیاست دان نہیں کرکٹر ہوں اس لیے وہی کروں گا جو کرسکتا ہوں۔یونس خان کا کہنا تھا کہ پاکستان میں ٹیلنٹ موجود ہے اسکول اور کالج کی سطح پر نوجوانوں کی حوصلہ افزائی اور ڈومیسٹک کرکٹ کو فروغ دینا چاہیئے۔

موضوعات:پی سی بی یونس خان