اسلام آباد (این این آئی)نیشنل کرائم ایجنسی کے 190 ملین پائونڈ کے کیس میں سابق پی ٹی آئی رہنما فواد چوہدری اور بلوچستان عوامی پارٹی کی رہنما زبیدہ جلال نے نیب میں بیان ریکارڈ کروا دیا۔ذرائع کے مطابق سابق پی ٹی آئی رہنما فواد چوہدری اور بلوچستان عوامی پارٹی کی رہنما زبیدہ جلال نیشنل کرائم ایجنسی کے 190 ملین پائونڈ کیس میں قومی احتساب بیورو (نیب) راولپنڈی کے دفتر میں بیان ریکارڈ کروانے پہنچے تھے۔فواد چوہدری نے نیب راولپنڈی کے دفتر میں حکام کے سامنے اپنا بیان ریکارڈ کرا دیا۔زبیدہ جلال نے بھی نیب راولپنڈی کی کمبائن انویسٹی گیشن ٹیم کو اپنا بیان ریکارڈ کرایا۔واضح رہے کہ نیشنل کرائم ایجنسی کے 190 ملین پائونڈ کے کیس میں نیب کی جانب سے 13 دسمبر 2019ء کی کابینہ میٹنگ میں موجود تمام ممبران کو نوٹسز جاری کیے گئے تھے۔