لاہور (این این آئی)وزیراعظم شہباز شریف نے سابق چیف جسٹس ثاقب نثار کو نشانے پر لیتے ہوئے کہا ہے کہ جسٹس ریٹائرڈ ثاقب نثار نے اورنج لائن ٹرین منصوبے پر اپنی بھڑاس نکالی۔ایک تقریب سے خطاب میں وزیراعظم شہباز شریف نے کہاکہ کہیں (ن )لیگ نہ جیت جائے

اس لیے جسٹس ریٹائرڈ ثاقب نثار نے 2018 سے پہلے منصوبوں پر پابندیاں لگائیں، 2018 کے جھرلو الیکشن میں ن لیگ اور نواز شریف سے خدمت کا موقع چھینا گیا۔انہوںنے کہاکہ جسٹس ریٹائرڈ ثاقب نثار نے اورنج لائن ٹرین منصوبے پر اپنی بھڑاس نکالی، منصوبے کے خلاف پی ٹی آئی کی درخواست پر 11 ماہ تک کیس سنا اور کارورائی مکمل ہونے کے 8 ماہ بعد تک فیصلہ نہ دیا۔انہوں نے کہا کہ اگر اورنج لائن ٹرین کا کام 2018 سے پہلے مکمل ہو جاتا تو (ن )لیگ کو الیکشن میں فائدہ ہوتا، ثاقب نثار راستہ نہ روکتے تو الیکشن میں ن لیگ کے وارے نیارے ہوتے، سابق چیف جسٹس ثاقب نثار اپنے بھائی کو پی کے ایل آئی میں لگانا چاہتے تھے۔انہوںنے کہاکہ قومیں تب بنتی ہیں جب ذاتی پسند نہ پسند سے بالاہوکرکام کریں، شیخ رشید کے حلقے میں تو آپ پہنچ گئے آپ چیف جسٹس تھے، آپ چیف جسٹس تھے یا شیخ رشید کے الیکشن کے پولنگ ایجنٹ تھے، شیخ رشید کے حلقے میں الیکشن سے تین دن پہلے کیا کرنے گئے تھے۔شہباز شریف نے کہاکہ اس وقت جو کچھ عدالت عظمیٰ اور پارلیمنٹ کے درمیان ہو رہا ہے اس پر کچھ نہیں کہنا چاہتا۔

موضوعات:شہباز شریف