لاہور ٗ باکو ( این این آئی ٗ آئی این پی )ڈائریکٹر جنرل محکمہ موسمیات صاحبزادہ خان نے کہا ہے کہ تین ماہ پہلے ہی غیرمعمولی بارشوں کا الرٹ جاری کردیا تھا،بلوچستان سمیت ملک بھر میں مون سون بارشوں کی شدت کے حوالے سے مئی کے پہلے ہفتے این ڈی ایم اے، وزیراعظم آفس اور ہر پلیٹ فارم کو آگاہی فراہم کردی گئی تھی۔

ایک انٹر ویو میں ڈی جی میٹ نے بتایا کہ ہماری فورکاسٹ تھی کہ اس سال مون سون بارشیں معمول سے زیادہ ہونگی جب اپریل میں سائوتھ ایشین فورم میٹنگ ہوئی تھی تو ماہرین نے غیرمعمولی صورتحال سے آگاہ کیا۔انہوں نے کہا کہ سیسکاف رپورٹ پر مئی کے پہلے ہفتے میں ہم نے این ڈی ایم اے اور تمام اداروں کو مطلع کیا جبکہ وزیراعظم آفس کو بھی غیرمعمولی بارشوں کا تین ماہ پہلے ہی بتادیا تھا۔انہوںنے کہا کہ چیف سیکرٹریز، وزرائے اعلی، پی ڈی ایم ایز کو بھی وقت سے پہلے بتا دیا تھا ، حالیہ مون سون سیزن میں سندھ اور بلوچستان زیادہ متاثر ہوئے ہیں۔دوسری جانب برطانیہ اور متحدہ عرب امارات کے بعد آذربائیجان نے بھی پاکستان کے سیلاب زدگان کی امداد کا اعلان کردیا۔پاکستان کو اس وقت تاریخ کے بدترین سیلاب کا سامنا ہے اور اب تک 950 سے زائد افراد ہلاک ہوچکے ہیں۔پاکستان نے بین الاقوامی برادری سے امداد کی اپیل کی ہے اور آج برطانیہ اور متحدہ عرب امارات نے امداد کا اعلان کیا ہے تاہم اب ایک اور برادر اسلامی ملک آذربائیجان نے بھی امداد کا اعلان کیا ہے۔

موضوعات:،محکمہ موسمیات