اب میں آؤں کہ نہ آؤں؟ہر پاکستانی ملاقاتی سے نواز شریف کاایک ہی سوال!
اسلام آباد(آن لائن)اب میں آؤں کہ نہ آؤں؟مسلم لیگ ن کے قائد نوازشریف نے لیگی رہنماؤں اور دوستوں سے
وطن واپسی بارے حتمی رائے لینا شروع کردی۔ذرائع کے مطابق نوازشریف ملاقات کیلئے لندن میں ملاقات کے لئے
آنے والوں سے اپنی وطن واپس کا سوال لازمی کرتے ہیں،وہ یہ پوچھتے بھی نظر آئے کہ مجھے بتایا جائے کہ
میرے وطن واپس جانے سے فائدہ ہوگا یا نقصان؟وطن واپسی کی صورت میں پارٹی کو کتنا فائدہ ہوگا؟
کیا میرے آنے سے عمران خان کی مقبولیت کم ہوجائے گی؟ ذرائع کا بتانا ہے کہ ملاقاتیوں کی اکثریت نواز شریف کی
وطن واپسی کی حامی نکلی، لیگی رہنماؤں کا کہنا تھا کہ آپ کے آنے سے ملک اور پارٹی کو فائدہ ہوگا،
آپ ہی عمران خان کا بیانیہ ناکام اور مقبولیت کم کرسکتے ہیں۔ن لیگ کے اہم ذرائع سے معلوم ہوا ہے کہ
میاں نواز شریف نے تمام ملاقاتیوں سے کہا کہ وطن واپسی بارے سنجیدگی سے سوچ رہا ہوں جلد فیصلہ کرلوں گا۔
