اسلام آباد (نیوز ڈیسک) ایرانی نیشنل سیکیورٹی کونسل کے سربراہ علی لاریجانی کی شہادت کے بعد امریکی صدر ڈونلڈ ٹرمپ کا ردعمل بھی سامنے آ گیا ہے۔
تفصیلات کے مطابق صدر ٹرمپ نے اپنے بیان میں کہا کہ ایران کے خلاف کی گئی کارروائی ایک درست فیصلہ تھا اور ان کے بقول اگر یہ اقدام نہ اٹھایا جاتا تو ایران اب تک جوہری ہتھیار حاصل کر چکا ہوتا۔ انہوں نے دعویٰ کیا کہ امریکی کارروائیوں کے نتیجے میں ایران کی فضائی اور بحری قوت کو شدید نقصان پہنچا ہے اور صورتحال ان کی توقعات سے زیادہ تیزی سے آگے بڑھ رہی ہے۔دوسری جانب ایرانی حکام نے علی لاریجانی کی شہادت کی تصدیق کر دی ہے۔ میڈیا رپورٹس کے مطابق اس حملے میں ان کے بیٹے مرتضیٰ بھی جان کی بازی ہار گئے۔ بتایا جا رہا ہے کہ علی لاریجانی کو تہران کے مشرقی علاقے میں اس وقت نشانہ بنایا گیا جب وہ اپنی بیٹی سے ملاقات کے لیے گئے ہوئے تھے۔
رپورٹس کے مطابق یہ حملہ امریکہ اور اسرائیل کی جانب سے کیا گیا، جس کے نتیجے میں اہم ایرانی شخصیت کی جان چلی گئی۔
