اسلام آباد (نیوز ڈیسک) وفاقی حکومت نے رمضان المبارک کے اختتام کے بعد سرکاری دفاتر کے لیے نئے دفتری اوقات مقرر کر دیے ہیں،

جن پر عملدرآمد عید کی تعطیلات ختم ہوتے ہی شروع ہوگا۔ اسٹیبلشمنٹ ڈویژن کی جانب سے جاری اعلامیے کے مطابق پانچ روزہ ہفتہ وار نظام پر چلنے والے دفاتر میں کام کا وقت صبح 8 بجے سے شام 4 بجے تک ہوگا، جبکہ دوپہر 1 بجے سے ڈیڑھ بجے تک نماز اور لنچ کا وقفہ دیا جائے گا۔اسی طرح وہ سرکاری دفاتر جہاں ہفتے میں چھ دن کام ہوتا ہے، وہاں اوقات کار صبح 8 بجے سے سہ پہر 3 بجے تک مقرر کیے گئے ہیں۔ ان دفاتر میں بھی دوپہر 1 بجے سے 1:30 بجے تک آرام اور نماز کا وقفہ رکھا گیا ہے۔

حکومت نے تمام وزارتوں اور ماتحت اداروں کو ہدایت کی ہے کہ عید کے بعد ان نئے شیڈول پر سختی سے عمل یقینی بنایا جائے۔