لاہور (این این آئی)تعلیمی بورڈ نے میٹرک سالانہ امتحانات 2026ء کے حوالے سے طلبا و طالبات کے لیے اہم ہدایات جاری کر دی ہیں۔

رواں سال امتحانات کا باقاعدہ آغاز 27مارچ سے ہوگا۔بورڈ کے مطابق امیدواروں کو ہدایت کی گئی ہے کہ وہ امتحان شروع ہونے سے 45منٹ پہلے امتحانی سنٹر پہنچیں کیونکہ مقررہ رپورٹنگ ٹائم کے بعد کسی بھی امیدوار کو سنٹر میں داخلے کی اجازت نہیں دی جائے گی۔اس سال امتحانی شفافیت کو یقینی بنانے کے لیے تمام امتحانی مراکز میں امیدواروں کی بائیو میٹرک تصدیق بھی کی جائے گی، جس کے تحت ہر طالب علم کی شناخت کی تصدیق لازمی ہوگی۔تعلیمی بورڈ نے تمام طلبا و طالبات کی رول نمبر سلپس پر بھی ضروری ہدایات درج کر دی ہیں، جن پر عملدرآمد کو لازمی قرار دیا گیا ہے۔حکام کا کہنا ہے کہ ان اقدامات کا مقصد امتحانات کو شفاف، منظم اور نقل سے پاک بنانا ہے تاکہ میرٹ کو یقینی بنایا جا سکے۔