پاکستان میں شیر سستا بھینس مہنگی ہوگئی

  اتوار‬‮ 7 اگست‬‮ 2022  |  16:35

لاہور(مانیٹرنگ ڈیسک)صوبائی دارالحکومت لاہور کے سفاری چڑیا گھر میں جنگل کا بادشاہ شیر بھینس سے بھی سستا بکنے کا انکشاف ، نجی ٹی وی سما نیوزکے مطابق لاہور کے سفاری چڑیا گھر کے اخراجات پورے کرنے کے لیے جانوروں کی فروخت کا انکشاف ہوا ہے۔

جہاں جنگل کا بادشاہ بھینس سے بھی سستا یعنی 1.5 لاکھ روپے کی قیمت میں بک رہا ہے۔سفاری چڑیا گھر انتظامیہ کے مطابق اگست کے پہلے ہفتے میں 12 شیر فروخت ہوں گے۔ جس میں 9 شیر اور 3 شیرنیاں شامل ہیں، جب کہ گزشتہ سال 14 شیروں کو فروخت کیا گیا تھا۔ جانوروں کی فروخت سے متعلق انتظامیہ کا کہنا ہے کہ سفاری چڑیا گھر میں اضافی شیروں کو رکھنے کی جگہ نہیں۔ان شیروں کو نیلامی کے دوران نجی ہاؤسنگ اسکیمز یا جانور پالنے کے شوقین افراد کو بیچا جائے گا۔ ایک اندازے کے مطابق لاہور کے سفاری چڑیا گھر میں ایک سال میں 10 سے 12 شیروں کی پیدائش ہوتی ہے۔ایک سو بیالس ایکڑ رقبے پر پھیلے اس لاہور سفاری چڑیا گھر میں یوں تو کافی جگہ ہے، تاہم اخراجات کو پورا کرنے کیلئے انتظامیہ ان شیروں کی فروخت پر انحصار کرنے لگی ہے۔رپورٹ کے مطابق شیر ایک روز میں آٹھ سے نو کلو گوشت کھا لیتے ہیں۔ یہ شیر افریقین نسل کے ہیں۔ جب کہ اس وقت اس سفاری چڑیا گھر میں موجود شیروں کی تعداد چالیس ہے۔



موضوعات:

زیرو پوائنٹ

پاکستان کا المیہ کیا ہے؟

میں نے ہرمینس (Hermanus) کا ذکر کیا تھا‘ یہ شہر کیپ ٹائون سے 115 کلومیٹر کے فاصلے پر سمندر کے کنارے آباد ہے‘ اسے ڈچ کسان ہرمینس پیٹرز نے 1805ء میں آباد کیا تھا‘آج بھی اس کی 80فیصد آبادی گوروں پر مشتمل ہے‘ ہرمینس وہیل مچھلیوں کی وجہ سے پوری دنیا میں مشہور ہے‘ اکتوبر میں روس میں سردیاں شروع ....مزید پڑھئے‎

میں نے ہرمینس (Hermanus) کا ذکر کیا تھا‘ یہ شہر کیپ ٹائون سے 115 کلومیٹر کے فاصلے پر سمندر کے کنارے آباد ہے‘ اسے ڈچ کسان ہرمینس پیٹرز نے 1805ء میں آباد کیا تھا‘آج بھی اس کی 80فیصد آبادی گوروں پر مشتمل ہے‘ ہرمینس وہیل مچھلیوں کی وجہ سے پوری دنیا میں مشہور ہے‘ اکتوبر میں روس میں سردیاں شروع ....مزید پڑھئے‎