لاہور( مانیٹرنگ ڈیسک )مقامی ہوٹل میں تقریب کے دوران اداکارہ نور اور ولی حامد میں جھگڑا ہو گیا ، اداکارہ تقریب ادھوری چھوڑ کر چلی گئیں جس کے بعد انتظامیہ نے ولی حامد کو تقریب سے واپس بھیج کر اداکارہ کو منت سماجت کر کے واپس بلایا ۔میڈیا رپورٹس کے مطابق جھگڑے کا واقعہ ایک مقامی ہوٹل میں منعقدہ تقریب کے دوران پیش آیا ۔ اس تقریب میں اداکارہ نور سٹیج پر موجود تھیں کہ اچانک ولی حامد بھی وہاں پہنچ گئے۔

اس موقع پر ولی حامد کو دیکھتے ہی نور غصے میں آ گئیں اور جھگڑنا شروع کر دیا۔ ہوٹل انتظامیہ نے دونوں کے درمیان بیچ بچا ؤکرانے کی کوشش کی لیکن تلخ کلامی اتنی بڑھی کہ اداکارہ نور تقریب چھوڑ کر باہر چلی گئیں۔ جس پر انتظامیہ نے ولی حامد کو تقریب سے جانے کا کہنا اور اداکارہ نور کی منت سماجت کر کے انہیں واپس بلایا۔خیال رہے کہ اداکارہ نور نے اپنے شوہر گلوکار ولی حامد سے خلع لینے کیلئے عدالت میں درخواست دائر کر رکھی ہے۔

موضوعات:اداکارہ نور