اسلام آباد(مانیٹرنگ ڈیسک) معروف بھارتی اداکارہ انکیتا لوکھنڈے کوحادثہ پیش آگیا ہے جس کے نتیجے میں وہ بری طرح جھلس گئیں ۔ جس کےبعد انہیں ہسپتال منتقل کر دیا گیا۔
تفصیلات کے مطابق بھارتی ڈراموں کی معروف اداکارہ کے کمرے میں اچانک آگ بھڑک اٹھی جس کی لپیٹ میں آکر اداکارہ بری طرح جھلس گئیں ۔ آگ خوشبو والی موم بتی کی وجہ سے لگی ۔ آگ لگنے کے وقت اداکارہ کمر ے میں موجود تھیں آگ نے پردوں اور کمرے میں موجود فرنیچر کو اپنی لپیٹ میں لے لیا تھا جس کے بعد اداکارہ کمرے کا تالہ توڑ کر باہر نکالا گیا۔ انہیں فوری طور پر ہسپتال منتقل کیا گیا جہاں انہیں طبی امداد مہیا کی گئی۔حادثے کے بعد اداکارہ کی تصاویر بھی سماجی رابطوں کی ویب سائٹس پر نشر کی گئی ہیں جبکہ ان کے سابق شوہر کی جانب سے بھی ان کی عیادت کی گئی ہے۔ ذرائع کے مطابق اداکارہ کی گردن اور بازو آگ میں جھلس کر شدید متاثر ہوئے ہیں ۔ جبکہ ڈاکٹروں کے مطابق اب ان کی حالت خطرے سے باہر ہے ۔

موضوعات:بھارتی اداکارہ