لاہور( این این آئی)پنجاب پولیس کا واٹس ایپ نمبر پہلے دن ہی بہت مقبول ہو گیا،نئی شروع کردہ پنجاب پولیس واٹس ایپ سروس پر پہلے دن ایک لاکھ سے زائد لوگوں نے رابطہ کیا۔اوور سیز پاکستانیوں کی بڑی تعداد نے بھی پنجاب پولیس واٹس ایپ سروس پر رابطہ کیا۔

آئی جی پنجاب فیصل شاہکار نے منگل کے روز پنجاب پولیس واٹس ویپ سروسز اور ان لائن کمپلین مینجمنٹسسٹم کا افتتاح کیا تھا۔پنجاب پولیس کا واٹس ایپ نمبر033-17871787 ہے جس پر کوئی بھی شہری کسی بھی وقت رابطہ کر سکتا ہے ۔ واٹس ایپ پر رابطہ کرنے والے شہریوں نے معلومات کے حصول اور دیگر خدمات پر پنجاب پولیس کی آن لائن سروسز کو سراہا۔033-17871787 پر پنجاب پولیس کی 15 سے زائد سروسز بارے معلومات حاصل کی جاسکتی ہیں۔شہری اس نمبر پر ہیلو ، سلام یا ایک لکھ کر مطلوبہ معلومات اور سروسز حاصل کر سکتے ہیں۔ان سروسز میں کرائم رپورٹ، آئی جی پی شکایت سیل،پولیس خدمت مراکز کی سہولیات، صنفی ہراسگی کی رپورٹ شامل۔ اوورسیز پاکستانیوں کیلئے سہولیات ، زینب الرٹ، سٹیزن پورٹل، گھریلو ملازمین کے کریمنل ریکارڈ کی تصدیق بھی شامل ہیں ۔تاہم شہری ایمرجنسی مدد کے لیے پنجاب پولیس کے 15 ایمرجنسی نمبر پر ہی رابطہ کریں۔