اسلام آباد (این این آئی)کیپٹل پولیس نے اسلام آباد میں پی ٹی آئی کے سربراہ عمران خان کی بنی گالہ رہائش گاہ کے اندر اور ارد گرد نگرانی بڑھا دی ہے تاکہ وہاں مقیم ‘افراد’ کی سرگرمیوں پر نظر رکھی جا سکے۔

ایک پولیس افسر نے میڈیا کو بتایا کہ دارالحکومت پولیس کا ایک دستہ جمعرات کو بنی گالہ بھیجا گیا تھا تاکہ وہاں رہنے والے لوگوں کی صورتحال اور سرگرمیوں پر نظر رکھی جا سکے۔افسر نے کہاکہ چند پولیس اہلکار بھی گھر کے مرکزی دروازے کے قریب گئے لیکن کسی سے بات نہیں کی۔بعد ازاں پولیس کے دستے نے گھر کے آس پاس کے علاقوں اور اس کی طرف جانے والی سڑکوں پر لوگوں اور سرگرمیوں کی موجودگی کا مشاہدہ کیا اور چیک کیا، انہوں نے کہا کہ دوروں کے نتائج سینئر کمانڈ کے ساتھ شیئر کیے گئے ہیں۔

موضوعات:بنی گالا