کراچی، تاجر کو پستول کی گولیاں بھیج کر کروڑ روپے بھتہ مانگنے والا ملزم گرفتار

  بدھ‬‮ 13 اکتوبر‬‮ 2021  |  16:00

کراچی ( آن لائن )کراچی کے علاقے پاکستان ایمپلائز کوآپریٹو ہاؤسنگ سوسائٹی (پی ای سی ایچ ایس) میں ایک تاجر کے گھر پر پستول کی گولیوں کے ساتھ ایک کروڑ روپے بھتے کی پرچی بھیجنے والے ملزم کو سی آئی اے پولیس نے منظور کالونی میں کارروائی کر کے گرفتار کر لیا ہے، ملزم اس سے قبل بھی 6 مقدمات میں گرفتار ہو کر جیل جا چکا ہے۔ کراچی میں سی آئی اے پولیس کے اسپیشل انویسٹی گیشن یونٹ کے سینئر سپرنٹینڈینٹ عارف عزیز کے مطابق کراچی کے اولڈ سٹی ایریا کے مصروف ترین کاروباری علاقے جوڑیا بازار میں چائے


پتی کے ایک تاجر کے ثقلین کے پی ای سی ایچ سوسائٹی میں واقع گھر کے ملازم کو ایک ملزم نے ایک لفافہ دیا تھا جسے کھول کر دیکھا گیا تو اس میں سے نائن ایم ایم پستول کی دو گولیاں اور ایک پرچی برآمد ہوئی تھی جس میں تاجر ثقلین سے ایک کروڑ روپے بھتہ مانگا گیا تھا۔ واقعے کا مقدمہ 909/2021 فیروز آباد تھانے میں درج کرایا گیا تھا اور مقدمے کی تفتیش اسپیشل انویسٹی گیشن یونٹ کو منتقل کر دی گئی تھی۔ ایس ایس پی عارف عزیز کے مطابق ملزم نے بعد اذاں بذریعہ ٹیلی فون کال کر کے تاجر سے بھتہ بھی طلب کیا تھا، ایس آئی یو کی ٹیم نے کارروائی کے دوران ملزم کا سراغ لگا کر منظور کالونی میں چھاپہ مار کر ملزم محمد بلال کو گرفتار کرلیا ہے۔ایس ایس پی عارف عزیز کے مطابق ملزم پہلے بھی 6 مقدمات میں گرفتار ہوکر جیل جا چکا ہے۔


زیرو پوائنٹ

پاکستان کے اصل ایٹمی اثاثے

سیلانی ویلفیئر ٹرسٹ پاکستان کے بڑے ویلفیئر ٹرسٹس میں شمارہوتا ہے‘ یہ ادارہ مولانا بشیر قادری صاحب نے 1999میں بنایا تھا‘ ملک بھر میں سیلانی کے دستر خوان بھی چل رہے ہیں اور فلٹریشن پلانٹس بھی‘ یہ لوگ روزانہ ضرورت مندوں کو ایک کروڑ روپے کا کھانا کھلاتے ہیں۔فلٹریشن پلانٹس‘ جہیز فنڈز‘ اجتماعی شادیاں اور مفت ادویات اس کے علاوہ ....مزید پڑھئے‎

سیلانی ویلفیئر ٹرسٹ پاکستان کے بڑے ویلفیئر ٹرسٹس میں شمارہوتا ہے‘ یہ ادارہ مولانا بشیر قادری صاحب نے 1999میں بنایا تھا‘ ملک بھر میں سیلانی کے دستر خوان بھی چل رہے ہیں اور فلٹریشن پلانٹس بھی‘ یہ لوگ روزانہ ضرورت مندوں کو ایک کروڑ روپے کا کھانا کھلاتے ہیں۔فلٹریشن پلانٹس‘ جہیز فنڈز‘ اجتماعی شادیاں اور مفت ادویات اس کے علاوہ ....مزید پڑھئے‎