اسلام آباد ( آن لائن ) حکومت نے پارلیمنٹ کا مشترکہ اجلاس عید سے قبل بلانے کا فیصلہ کر لیا ہے ۔سینٹ سے منظور نہ ہونے والے سات بل مشترکہ اجلاس میں پیش کیے جائیں گے۔ذرائع کے مطا بق حکومت نے پارلیمنٹ کا مشترکہ اجلاس عید سے قبل بلانے کا فیصلہ کر لیا ہے ۔

پارلیمنٹ کے مشترکہ اجلاس میںایف اے ایف ٹی قوانین سمیت دیگرایسے سات بل جو قومی اسمبلی سے تو منظور ہو چکے ہیں لیکن سینیٹ سے منظور نہیں ہوئے منظوری کیلئے پیش کئے جائیں گے ، ذرائع کے مطابق مشترکہ اجلاس میں پاکستان میڈیکل کمیشن اور پاکستان میڈیکل ٹریبونل بل پیش ہو گا،اسلام آباد ہائیکورٹ ججوں میں اضافہ کا بل پاس کرایا جائے گا جبکہ ایف اے ٹی ایف قوانین سے متعلق بل بھی پاس کرائے جائیں گے ،اس حوالے سے مشیر پارلیمانی امورڈاکٹر بابر اعوان کا موقف ہے کہ گڈ گورنس کے لیے گڈ لاء میکنگ ضروری ہے،عوامی مفاد کے قوانین بنانا حکومت اور اپوزیشن دونوں کی ذمہ داری ہے ، بروقت قانون سازی نہ ہونے پر لوگ تکلیف اور پارلیمنٹ بھی تنقید کی زد میں آ تی ہے، انہوں نے کہا کہ وزیر اعظم سے ہونے والی ملاقات میں جوڈیشل اور لاء ریفارمز پر تفصیلی گفتگو ہوئی ہے ،جلد دونوں ہاوسز میں اس عمل کا آغاز کریں گے ۔

موضوعات:پارلیمنٹ کا مشترکہ اجلاس