اسلام آباد (مانیٹرنگ ڈیسک )سابق وزیر اعظم اور پاکستان مسلم لیگ کے سربراہ چوہدری شجاعت حسین نے سیاست کیساتھ زمینداری شروع کر دی ، روزنامہ جنگ کے مطابق کنجاہ چوہدری پرویز الٰہی اور چوہدری مونس الٰہی کا حلقہ ہے یہاں کے زرعی فارم میں کورونا وبا پھیلنے کی وجہ سے چوہدری شجاعت حسین نےقیام کے 100دن مکمل کر لئے اور وہ اب لاہور آگئے ہیں۔

ان سو دنوں میں چوہدری شجاعت حسین نے زرعی فارم میں بڑا گارڈن بھی تیار کروایا ہے اور مختلف ملکوں کی سبزیاں اور پھول لگانےپر توجہ دی ہے وہ آرگینک فوڈ اور سبزیاں بیرون ملکوں میں ایکسپورٹ کرنے کی منصوبہ بندی کر رہے ہیں ۔یاد رہے کہ چوہدری شجاعت27جنوری 1946کو پیدا ہوئے تھے اس اعتبار سے ان کی عمر اس وقت74سال ہے۔