اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی اور تجزیہ کارمظہر عباس کا کہنا تھا کہ وزیر اعظم گزشتہ روزپچھلی تقریر کے مقابلے میں زیادہ پراعتماد نظرآئے۔

عمران خان ہر طرح کی بال کررہے تھے بدقسمتی سے سامنے کوئی بیٹسمین نہیں تھا کیونکہ اپوزیشن واک آؤٹ کرگئی تھی، پی ٹی آئی کے ناراض اراکین سے ملاقاتوں کے علاوہ اتحادیوں کو بھی مناتے رہے، یہ ساری چیزیں پہلے جہانگیرترین کرتے تھے اب عمران خان کو خود کرنا پڑررہی ہیں، عمران خان کو دو سال ہوگئے ریاست مدینہ کی بنیاد بھی نہیں رکھی، دو سال میں سانحہ ماڈل ٹاؤن سے سانحہ ساہیوال تک لوگوں کوانصاف دینے کیلئے ریاست مدینہ کے سربراہ کی حیثیت سے انہوں نے کیا کیاہے؟پروگرام میں گفتگو کرتے ہوئے حسن نثار نے کہا کہ وزیراعظم کے خطاب میں کچھ باتیں جزوی طورپر صحیح ہیں مگر کوئی قابل ذکر بات نہیں ہے، عمران خان کی ایک بات سمجھ نہیں آئی کہ ان کی پارٹی والے نہیں چھوڑیں گے، اگر کوئی متبادل آیا تو مراد سعید جیسا کوئی نوخیز جذباتی لڑکا نہیں ہوگا،ریاست مدینہ آدمیوں کو انسان بنانا ہے، حضور اکرم صلی اللہ علیہ وآلہ وسلم نے ہزاروں میں ہزاروں ہیرے پیداکردیئے تھے یہ ریاست مدینہ تھی۔ بابر ستار نے کہا کہ عمران خان سمیت پی ٹی آئی والے صرف باتیں ہی کررہے ہیں۔

موضوعات:مظہر عباس