اسلام آباد(مانیٹرنگ ڈیسک)کراچی میں کرونا وائرس سے شہید ہونے والے اہلکار کی آڈیو منظر عام پر آگئی ۔ تفصیلات کے مطابق کراچی پولیس اہلکار راشد نے آڈیو کال کے دوران بتایا کہ مجھے ہمیشہ یہ گلہ رہے کہ چھٹی اور سہولتیں نہیں ملیں ۔ بہترین ہسپتال میں اپنے علاج کیلئے درخواست دی تھی ، آڈیو میں پولیس اہلکار کا کہنا تھا کہ میری طبعیت بہت

خراب ہو گئی ہے لیکن مجھے چھٹی نہیں دی جارہی، میں اس وقت سرکاری ہسپتال میں ہوں لیکن میری درخواست پر نظر ثانی نہیں کی جارہی آڈیو میں محسوس کیا جا سکتا ہے کہ اہلکار کی بولتے وقت آواز میں کافی حد تک اکھڑتی رہی ۔آڈیو سامنے آنے کے بعد تحقیقات کا حکم دیا گیااور کہا گیا ہے کہ اس معاملے میں غفلت برتنے والوں کیخلاف کاروائی کی جائے گی ۔