اسلام آباد(این این آئی)یونیورسٹی طلبا ء نے ہائی ایجوکیشن کمیشن کے سامنے مظاہرہ کیا ، طلباء ایچ ای سی کے خلاف شدید نعرے بازی کررہے تھے اور مطالبہ کیاکہ آن لائن کلاسز یا پورے ملک میں شروع کی جائیں یا بند کی جائیں۔ مظاہرے کے دور ان طلباء نے کہاکہ چار شہروں میں آن لائن کلاسز شروع کرنا باقی باقی طلبا کے ساتھ زیادتی ہے، کورونا کے باعث جو سمسٹر ضائع ہوگیااس میں پوروموٹ کیا جائے۔ طلباء نے کہاکہ امتحانات لئے جائیں یا پروموٹ کیا جائے،اگر پروموٹ نہیں کیا جاتا تو فیس معاف کی جائے، دیہاتوں میں انٹرنیٹ سروسز نہیں
ہیں وہ آن لائن کلاسز کیسے لے سکتے ہیں۔ طلباء کے مظاہرے کے دور ان ایچ ای سی کے سامنے خار دار تاریں لگا کر راستہ سیل کر دیا گیااور پولیس کی بھاری نفری تعینات رہی ۔ طلباء نے کہاکہ جب تک مطالبات تسلیم نہیں ہوتے یہاں سے نہیں جائیں گے۔