جہانیاں (این این آئی) پاکستان کے دنیائے اسلام کی پہلی ایٹمی طاقت بننے کے22برس مکمل ہو گئے اس سلسلے میں ” یوم تکبیر “(آج) 28مئی جمعرات کو منایاجائے گا اس روزجہانیاں سمیت ملک بھر میں مسلم لیگ ن کے زیر اہتمام حکومتی ایس او پیز کے مطابق خصوصی تقاریب کا اہتمام کیا جائے گا جس سے خطاب کے دوران مقررین ایٹمی دھماکوں کے تناظر میں محسن ملک و قوم ڈاکٹر عبدالقدیر خان،ذوالفقار علی بھٹو اور وزیر اعظم میاں نواز شریف کے کردار پر تفصیل سے روشنی ڈالیں گے۔ مسلم لیگ ن لائرز فورم تحصیل جہانیاں کے زیر اہتمام جہانیاں میں
بھی یوم تکبیر کے حوالے سے تقریب سادگی کے ساتھ منعقد کی جائے گی۔ بائیس برس قبل 28مئی 1998ء کو پاکستان نے بلوچستان کے سنگلاخ پہاڑوں میں چاغی کے مقام پر بھارت کی جانب ایٹمی دھماکوں کے بعد ایٹمی دھماکے کر کے دنیا بھر میں ساتویں ایٹمی طاقت ہونے کا اعزاز حاصل کیاقبل ازیں امریکہ،برطانیہ،روس،چین،فرانس اور بھارت ایٹمی طاقت کے حامل ملک ہیں پاکستان نے ایٹمی دھماکے کرکے پہلی اسلامی ایٹمی طاقت ہونے کا اعزاز بھی حاصل کیا۔