اسلام آباد (این این آئی) پاکستان تحریک انصاف کے رہنما صداقت علی عباسی نے کہاہے کہ ذو الفقار علی بھٹو کو بھی ڈکٹیٹر نے پیدا کیا تھا ، پھر لیڈر بنے ،آصف علی زرداری اور بلاول بھٹو زرداری نے پارٹی کو صرف سندھ تک ہی محدود کر دیا۔

پی ٹی آئی بدعنوانی کو بہت بڑی برائی سمجھتے ہیں اور اسی کے خلاف کھڑے ہوئے ہیں،سیاستدانوں کو چور ڈاکو تو ضرور کہتے ہیں ، غیر اخلاقی گفتگو نہیں کرتے ،بس ہمارا بدعنوانی کے بارے میں سخت رویہ ہے۔ ایک انٹرویومیں صداقت علی عباسی نے کہا کہ ذوالفقار علی خان کو بھی ڈکٹیٹر نے پی پیدا کیا تھا البتہ وہ لیڈر بنے لیکن آصف علی زرداری اور بلاول بھٹو زرداری نے پارٹی کو صرف سندھ تک ہی محدود کر دیا۔انہوں نے کہا کہ عمران خان کئی مشکلات کو سہنے کے بعد وزیر اعظم بنے اور قوم نے ان کو منتخب کیا،وہ نہ صرف سماجی کاموں میں بڑھ چڑھ کر حصہ لیتے رہے بلکہ انہوں نے ملک کو ایک اعزاز سے بھی نوازا۔صداقت علی عباسی نے کہا کہ پی ٹی آئی بدعنوانی کو بہت بڑی برائی سمجھتے ہیں اور اسی کے خلاف کھڑے ہوئے ہیں۔ انہوں نے کہاکہ حزب اختلاف کو پی ٹی آئی اس لیے بْری لگتی ہے کہ ان کے پیٹ پر لات ماری گئی ہے۔انہوں نے کہا کہ ہم نے پاکستان کی معیشت کو بہت زیادہ بہتر کیا ہے جبکہ ہمیں معیشت انتہائی برے حال میں ملی تھی۔ دنیا کے بڑے بڑے معیشت دان ہمارے پالیسی کی تعریف کر رہے ہیں۔پی ٹی آئی رہنما نے کہا کہ پیپلز پارٹی کے رہنما قادر پٹیل نے اسمبلی میں انتہائی غیر اخلاقی ذاتیات پر مبنی تقریر کی جبکہ پی ٹی آئی کے رہنماؤں کی جانب سے کبھی بھی پارلیمنٹ میں ایسی تقاریر نہیں کیں۔

ہم کسی کی ماں بہن کے خلاف بات نہیں کرتے سیاستدانوں کو چور ڈاکو تو ضرور کہتے ہیں لیکن غیر اخلاقی گفتگو نہیں کرتے بس ہمارا بدعنوانی کے بارے میں سخت رویہ ہے۔انہوں نے کہا کہ پی ٹی آئی پر بے تکی تنقید اور صرف تنقید برائے تنقید کی جا رہی ہے۔ سوشل میڈیا پر بہت ساری غیر اخلاقی چیزیں ہو رہی ہیں اور لوگوں کی عزتیں محفوظ نہیں ہیں۔ پاکستان میں بڑی بڑی کمپنیوں کو ایک قوائد میں لانے کی ضرورت ہے۔

موضوعات:صداقت علی عباسی