اسلام آباد(آن لائن ) اتحادیوں کے تحفظات دور کرنے کے لئے وفاقی حکومتی مذاکراتی کمیٹی کی ق لیگ کی قیادت سے ملاقات کل بدھ کو ہوگی۔تفصیلا ت کے مطابق حکومت کی اتحادی جما عت ایم کیو ایم کے کنونیر کی جا نب سے استعفے کا اعلا ن کرنے کے بعد حکو مت نے اپنے تما م اتحادیو ں کو منانے کا کام شروع کر دیا ہے ۔ اس سلسلے میں حکو متی مذاکراتی کمیٹی کل بروز بدھ ق لیگ کی قیادت سے ملا قات کرے گی ۔حکومتی مذاکراتی کمیٹی کی ق لیگکی قیادت سے ملاقات میں وزیراعلیٰ پنجاب عثمان بزدار،
جہانگیر ترین، پرویز خٹک بھی شریک ہونگے۔ادھر جہانگیر ترین نے بلوچستان نیشنل پارٹی (مینگل) سے بھی رابطہ کیا، حکومتی کمیٹی اور بی این پی مینگل میں جلد ملاقات متوقع ہے۔ ذرائع کے مطابق لاپتہ کارکنان سے متعلق بی این پی کے مطالبہ پر عمل درآمد شروع ہوگا، بی این پی کے تجویز کردہ ترقیاتی منصوبوں پر پیپرورک مکمل ہوچکا ہے جس کے بعد بہت جلد ان کو فنڈز مہیا کر دیئے جائیں گے ۔