اٹلس ہونڈا نے موٹرسائیکلوں کی قیمتوں میں نمایاں کمی کا اعلان کر دیا ہے، جس کا اطلاق یکم مارچ 2026 سے ہوگا۔

کمپنی نے باقاعدہ نوٹیفکیشن جاری کرتے ہوئے بتایا کہ اس فیصلے کا فائدہ مختلف مقبول ماڈلز کے خریداروں کو ملے گا۔نئی ریٹیل پرائس لسٹ کے مطابق ہونڈا سی ڈی 70 کی قیمت گھٹا کر ایک لاکھ 51 ہزار 900 روپے مقرر کی گئی ہے، جبکہ سی ڈی 70 ڈریم اب ایک لاکھ 62 ہزار 900 روپے میں دستیاب ہوگی۔ اسی طرح سی جی 125 ایس گولڈ کی نئی قیمت 2 لاکھ 79 ہزار 900 روپے اور سی بی 125 ایف کی قیمت 3 لاکھ 75 ہزار 900 روپے طے کی گئی ہے۔اس کے علاوہ سی جی 150 کی قیمت 4 لاکھ 24 ہزار 900 روپے اور سی بی 150 ایف کی قیمت 4 لاکھ 34 ہزار 900 روپے مقرر کی گئی ہے۔ کمپنی کی الیکٹرک موٹرسائیکل آئیکون ای کی نئی قیمت 3 لاکھ 95 ہزار 900 روپے رکھی گئی ہے۔

دلچسپ امر یہ ہے کہ الیکٹرک ماڈل پر سیلز ٹیکس کی شرح تقریباً ایک فیصد ہونے کے باعث اس کی مجموعی قیمت نسبتاً کم رکھی گئی ہے۔ یہ بائیک خاص طور پر ان صارفین کے لیے موزوں قرار دی جا رہی ہے جو ایندھن کے بڑھتے اخراجات سے بچنا چاہتے ہیں اور ماحول دوست سفری حل اختیار کرنا چاہتے ہیں۔