کالاشاہ کاکو(این این آئی) کالاشاہ کاکوجی ٹی روڈراناٹاؤن کے قریب نامعلوم مسلح موٹرسائیکل سواروں کی اندھادھندفائرنگ۔جماعت اسلامی یوتھ پنجاب کے ڈپٹی جنرل سیکرٹری صداقت علی صداقت امیر جماعت اسلامی مریدکے شبیرسرویا اوربشارت علی قتل۔

مقتولین فیروز والہ عدالت تاریخ  پیشی سے واپس مریدکے آ رہے تھے کہ ملزمان نے انکی گاڑی پراندھادھندفائرنگ کردی۔وا قعہ کے بعد جماعت اسلامی یوتھ پنجاب کے امیرجاویدقصوری کی زیرقیادت کارکنان نے نعشیں جی ٹی روڈپررکھ کردونوں اطراف سے ٹریفک جام کردی۔ جس سے گاڑیوں کی میلوں لمبی لائنیں لگ جانے سے مسافروں کوپیدل سفرکرنا پڑا۔ واقعہ کی اطلاع ملنے پر ایس پی انوسٹی گیشن شیخوپورہ تھانہ فیروزوالہ کے ایس ایچ اوعبداللہ پاشاہ سمیت پولیس کی بھاری نفری کے ہمراہ موقع پرپہنچ گئے اورمظاہرین کیساتھ مزاکرات کرناچاہے مگر مذکورہ امیرجماعت نے ان سے مزاکرات کرنے سے انکاری کرتے ہوئے کہاکہ ملزمان کاتعلق پاکستان تحریک انصاف سے ہے جسکی وجہ سے پولیس انہیں گرفتارنہیں کررہی اگر ملزمان گرفتارنہ ہوئے تو ہم پوراپنجاب بندکردینگے۔ جس پرمذکورہ پولیس انتظامیہ نے انہیں ملزمان کی گرفتاری کی مکمل یقین دہانی کروائی تو مظاہرین نے پانچ گھنٹے بعد روڈکھول دیااورپرامن منتشرہوگئے۔واضح رہے کہ چندماہ قبل مریدکے میں ورک گروپ اوربھلرگروپ کے مابین جھگڑے کے دوران ورک گروپ کاایک فردقتل ہواتھاجس کے مقدمہ کی تاریخ پیشی سے مقتولین واپس آرہے تھے کہ واقعہ پیش آگیا۔

موضوعات:اندھا دھند فائرنگ