اسلام آباد (مانیٹرنگ ڈیسک)مسلم لیگ ق کے سینئر رہنما پرویز الہٰی اور مولانا فضل الرحمان پریس کانفرنس کر رہے تھے ، اس موقع پر صحافی کے ایک سوال پر مولاناغصے میں پریس کانفرنس چھوڑ کر چلے گئے ۔ تفصیلات کے مطابق نجی ٹی وی کے ایک رپورٹر نے مولانا فضل الرحمان سے سوال پوچھا کہ آپ نے ماضی میں کہا تھا کہ وزیراعظم کا استعفیٰ مانگنا غیر آئینی ہے تو آج وہ آپ کیلئے کیسے آئینی ہوگیا؟ ۔
رپورٹر کے سوال کا جواب دیتے ہوئے مولانا فضل الرحمان کا کہنا تھا کہ آپ لوگوں نے ایسی بے تکی باتیں کرنی ہوتی ہیں کوئی کام اگر کسی سیدھے راستے پر چل رہا ہوتو آپ نے اسے ادھر ادھر کرنا ہوتا ہے یہ کہہ کر وہ پریس کانفرنس چھوڑ کر چلے گئے ۔ یاد رہے کہ گزشتہ رات مولانا فضل الرحمان، مسلم لیگ ق کے رہنما چوہدری شجاعت اور پرویز الٰہی سے ملاقات کیلئے ان کے گھر پہنچ تھے۔
