اسلام آباد(مانیٹرنگ ڈیسک)ڈی ایچ کیو ہسپتال شیخوپورہ کے دیانتدار ڈاکٹر حمزہ صدیق نے بیرون ملک سے واپس آکر تنخواہ کی مد میں اپنے اکاؤنٹ میں آنے والے 35 لاکھ روپے محکمہ صحت کو لوٹا دیے۔تفصیلات کے مطابق شیخوپورہ ڈسٹرکٹ ہسپتال کے میڈیکل آفیسر ڈاکٹر حمزہ ساڑھے 3 سال قبل استعفیٰ دیکر کینیڈا چلے گئے تھے لیکن ان کی تنخواہ مسلسل اکاؤنٹ میں آتی رہی۔وطن واپسی پر ڈاکٹر حمزہ اکاؤنٹ بند کرانے
بینک گئے تو انکشاف ہوا کہ اس میں تنخواہ کے 35 لاکھ روپے پڑے ہیں جس پر انہوں نے یہ رقم واپس کرنے کیلئے محکمہ صحت کو خط لکھا لیکن کوئی جواب نہ ملا۔ڈاکٹر حمزہ نے بتایا کہ خود شیخوپورہ جاکر 35 لاکھ روپے محکمہ صحت کو واپس کیے توہسپتال کےایم ایس نے تعریفی لیٹر جاری کیا۔انہوں نے کہا کہ حکومت کو رقم واپس کرنے پر ود ہولڈنگ ٹیکس کی مد میں 22 ہزار بھی اپنی جیب سے ادا کیے ہیں۔
