سمیع ابراہیم کو تھپڑ،حکومتی عہدیدار کو ’را‘ یا یہودیوں کا ایجنٹ کہنا بھی اخلاقی اور صحافتی اقدار کے منافی ہے،فواد چودھری ڈٹ گئے، دوٹوک اعلان

15  جون‬‮  2019

اسلام آباد(آن لائن) وفاقی وزیر سائنس و ٹیکنالوجی فواد چوہدری کے ترجمان نے کہا ہے کہ صحافی سمیع ابراہیم کے ساتھ تنازعہ 2 اداروں کے بجائے 2 افراد میں تصور کرنا چاہیے۔میڈیارپورٹس کے مطابق وفاقی وزیر سائنس و ٹیکنالوجی فواد چوہدری کے ترجمان کی جانب سے جاری بیان میں کہا گیا ہے کہ فواد چوہدری اور سمیع ابراہیم کے مابین پیش آنے والے واقعے کو 2 اداروں میں تصادم سمجھنے کے بجائے اسے 2 اشخاص کے درمیان تنازع تصور کرنا چاہیے، ایک شخص نے

دوسرے شخص کی عزت نفس کو مجروح کرنے کی کوشش کی تو متاثر ہونے والے شخص نے اس کا ردعمل دیا۔فواد چوہدری کے ترجمان نے مزید کہا کہ کسی محب وطن پاکستانی اور حکومتی عہدیدار کو ’را‘ یا یہودیوں کا ایجنٹ کہنا اخلاقی اور صحافتی اقدار کے منافی ہے،فواد چوہدری کے اس اقدام کیخلاف احتجاج کرنے کے ساتھ ساتھ سمیع ابراہیم سے بھی پوچھنا چاہئے کہ انہوں نے ایک محب وطن پاکستانی کی عزت نفس جو کہ ہر پاکستانی کا آئینی حق ہے کو کیوں پامال کیا؟واضح رہے کہ فواد چوہدری اور سمیع ابراہیم کے درمیان گزشتہ چند ماہ سے شدید لفظی جنگ جاری تھی، خاص طور پر سوشل میڈیا پر ایک دوسرے کے خلاف انتہائی نازیبا باتیں کی جارہی تھیں۔واضح رہے کہ وفاقی وزیر سائنس و ٹیکنالوجی فواد چوہدری نے نجی ٹی وی کے اینکر کو شادی کی تقریب میں سب کے سامنے تھپڑ مار دیا۔ نجی ٹی وی کے اینکر پرسن نے وفاقی وزیر سائنس و ٹیکنالوجی فواد چوہدری پر عمران خان کی حکومت کے خلاف سازش کے الزامات عائد کئے تھے جس پر وفاقی وزیر نے پیمرا کو درخواست دی اور اینکر پرسن کے الزامات کو مسترد کیا تھا۔اینکر پرسن نے فواد چوہدری پر الزام عائد کیا تھا کہ وہ عمران خان کو ہٹانیکی سازش میں مبینہ طور پر شریک ہیں اور پیپلز پارٹی سے رابطے میں ہیں۔فواد چوہدری کا جواب میں کہنا تھا کہ متعلقہ اینکر پرسن اپنے چینل کے لیے مراعات چاہتے تھے جس سے انکار کرنے پر وہ بھڑک اٹھے اور اب الزام تراشی پر اتر آئے ہیں۔

گزشتہ دنوں دونوں کے درمیان سوشل میڈیا پر لڑائی کافی تندوتیز جملوں پر پہنچی تھی اور ایک دوسرے پر الزامات کے ساتھ ساتھ نازیبا الفاظ بھی استعمال کیے گئے تھے لیکن اب سوشل میڈیا کی لڑائی نے حقیقت کا روپ دھار لیا ہے۔وفاقی وزیر سائنس و ٹیکنالوجی اور نجی ٹی وی چینل کے اینکر کے درمیان گزشتہ رات شادی کی تقریب میں ناخوشگوار واقعہ پیش آیا جہاں فواد چوہدری نے نجی ٹی وی کے اینکر کو شادی کی تقریب میں سب کے سامنے تھپڑ رسید کیا۔فواد چوہدری کے مطابق کل ایک ذاتی مسئلہ تھا جو کہ 4 سے 5 ماہ سے چل رہا تھا، اس معاملے پر کیس بھی دائر ہیں، ہر انسان کی چھوٹی موٹی لڑائی ہو جاتی ہے۔نجی ٹی کے اینکر پرسن نے پولیس کو واقعے سے متعلق درخواست دی ہے جس پر پولیس کا کہنا ہے کہ قانون کے مطابق کارروائی کی جائے گی۔



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…