اسلام آباد(مانیٹرنگ ڈیسک) نواز شریف کی دھمکی کے بعد شہباز شریف وطن واپس آئے ہیں۔ سینئر صحافی چوہدری غلام حسین کا دعویٰ ،نجی ٹی وی پروگرام میں گفتگو کرتے ہوئے چوہدری غلام حسین نے کہا کہ شہباز شریف کا لندن میں سیر کرنے کے علاوہ کوئی کام نہ تھا۔ وہ ہیٹ پہن کر مختلف لوگوں سے ملتے، صحافیوں سے پہلو بچا کر نکل جاتے، ان کا مقصد لندن کے موسم انجوائے کرنا اور ٹیسٹوں کے بہانے وہیں رہنا تھا۔ مریم نواز نے نواز شریف

کی شہباز شریف کے ساتھ بات کرائی ۔ ’’نواز شریف نے کہا شہباز صاحب آپ پہلی دستیاب فلائٹ پکڑیں اور پاکستان پہنچیں ، اگر آپ نہیں آتے تو نہ میں آپ کو پارٹی میں قبول کروں گا اور نہ ہی خاندان میں‘‘ جس کے بعد وہ واپس پاکستان آئے ۔ شہباز شریف اب بھی بہانہ بنا کر نکل جائیں گے کیونکہ وہ لندن سے واپس آنے کیلئے تیار نہیں تھے۔واضح رہے کہ وزیر ریلوے شیخ رشید نے بھی دعویٰ کیا تھا کہ شہبازشریف بجٹ اجلاس کے بعد واپس لندن چلے جائینگے۔

موضوعات:شہبازشریف نوازشریف