پاکستان کا وہ تعلیمی ادارہ جسے ایشیا کی 260 بہترین جامعات میں شامل کرلیا گیا

  منگل‬‮ 28 مئی‬‮‬‮ 2019  |  15:45

لندن، کراچی ( آن لائن ) پاکستان کی جامعہ کراچی کو ایشیا کی 260 بہترین جامعات میں شامل کرلیا گیا، ایشیاکی500 بہترین اعلی تعلیمی اداروں میں جامعہ کراچی 251 ویں نمبر پر فائز ہے۔تفصیلات کے مطابق برطانوی ادارے کیو ایس کی جانب سے یونیورسٹریز کی رینکنگ جاری کردی گئی۔2019 کی رینکنگ میں جامعہ کراچی ایشیا کی 260 بہترین جامعات میں شامل ہوگئی ہے۔ایشیا کی 500 بہترین اعلی تعلیمی اداروں میں شامل کی جانے والی 23 پاکستانی جامعات میں سے اعلی اور معیاری تحقیقی وتدریسی سرگرمیوں کی بنا پر جامعہ کراچی کو 09 (نواں)نمبر دیا گیا جبکہ کیو ایس رینکنگ میںایشیاکی500


بہترین اعلی تعلیمی اداروں میںجامعہ کراچی 251 ویں نمبر پر فائز ہے۔جامعہ کراچی کے اعزاز حاصل کرنے پر جامعہ کراچی کے وائس چانسلر پروفیسر ڈاکٹر خالد محمود عراقی نے اساتذہ و طالبعلموں کو مبارکباد پیش کی۔پروفیسر ڈاکٹر خالد محمود عراقی کا کہنا تھا کہ جامعہ کراچی کی رینکنگ میں بہتری خوش آئند ہے اور جامعہ کراچی کے اساتذہ محدود وسائل کے باوجود تحقیقی وتدریسی سرگرمیوں میں مصرو ف رہتے ہیں۔انھوں نے مزید کہا جامعہ کراچی کو اگر اس کی ضروریات کے مطابق وسائل فراہم کئے جائیں تو جامعہ کراچی کا شمار دنیا کی بہترین جامعات میں ہوسکتا ہے۔خیال رہے کراچی یونیورسٹی کوعصر حاضر میں برصغیر کی تیسری اور دنیا میں تعلیم و تحقیق کے حوالے سے اہم مرکز کی حیثیت حاصل ہے، یہاں پر تدریسی امور سرانجام دینے والے اساتذہ کی بڑی تعداد عالمی شناخت کی مالک ہے، جامعہ کراچی کو اعلی سطح کا تحقیقی مرکز ہونے کے علاوہ ملک کی بڑی یونیورسٹی ہونے کا اعزاز بھی حاصل ہے، یہاں 800 سے زائد ماہرین تعلیم 26 ہزار سے زائد طلبہ کو تعلیم دے رہے ہیں۔

موضوعات:

loading...