پشاور(این این آئی)سابق ڈی جی پی ڈی اے اسرار الحق نے خود کو احتساب کے لئے پیش کر دیا۔ نیب سمیت کسی بھی فورم پر احتساب کے لئے تیار ہیں۔ بی آر ٹی منصوبے میں تاخیر پر برطرف ڈی جی پشاور ڈویلپمنٹ اتھارٹی اسرار الحق نے ڈی جی نیب خیبرپختونخوا کو مراسلہ ارسال کیا ہے جس میں خود کو احتساب کے لیے پیش کردیا۔ مراسلہ میں کہا گیا ہے کہ بطور ڈی جی پی ڈی اے اور پراجیکٹ ڈائریکٹر بی آر ٹی تمام امور نیک نیتی اور صدق دل سے انجام دئے۔

اللہ اور عوام کے سامنے اپنی انسانی استعداد کے مطابق پوری شفافیت اور مکمل ایمانداری سے فرائض انجام دیے۔ انہوں کا کہنا ہے کہ چارج چھوڑتے ہوئے وزیراعظم پورٹل شکایات کے حل کا تناسب تریانوے فیصد اور اس پر شہریوں کے اطمینان کا تناسب اٹھاسی فیصد ہے جبکہ بی آر ٹی کا تعمیراتی کام خاطر خواہ حد تک مکمل کیا ۔ مراسلہ کی کاپی چیئرمین نیب،وزیر بلدیات خیبرپختونخوا اور ایس پی ایس آڈییٹر جنرل آف پاکستان کو بھی ارسال کی گئی ہے۔

موضوعات:بی آر ٹی پشاورمنصوبے میں تاخیر