سپریم کورٹ کی جانب سے سابق جج شوکت عزیز صدیقی کو بڑا ریلیف فراہم

  پیر‬‮ 25 مارچ‬‮ 2019  |  15:31

اسلام آباد(آن لائن) سپریم کورٹ نے اسلام آباد ہائی کورٹ کے سابق جج جسٹس شوکت عزیز صدیقی کی اپیل پر رجسٹرار آفس کے لگائے گئے اعتراضات ختم کرتےہوئے درخواست ابتدائی سماعت کیلئے منظور کر لی ہے ۔ اپیل پر سماعت جسٹس شیر عالم کی سربراہی میں5رکنی لارجر بنچ کی۔ عدالت نے جسٹس(ر) شوکت عزیز صدیقی کی اپیل کو نمبر لگانے کا حکم دیتے ہوئے درخواست کو ابتدائی سماعت کیلئے منظور کر لیا ہے ۔ درخواست میںجسٹس(ر )شوکت عزیز صدیقی نے اعلیٰ عدلیہ کے ججز کی رہائش گاہوں پر اٹھنے والے اخراجات کی تفصیل فراہم کرنے کی استدعا کی تھی ۔


درخواست میں رجسٹرار آفس کی طرف سے ان کی اپیل پر لگائے گئے اعتراضات پر بھی اپنا مؤقف دیا گیا تھا ۔ جسٹس (ر) شوکت عزیز صدیقی کے وکیل شاہد خان نے اس موقع پر عدالت میں اپنے مؤکل کے تحفظات پیش کئے ۔ عدالت نے جسٹس (ر) شوکت عزیز صدیقی کی درخواست ابتدائی سماعت کیلئے منظور کرتے ہوئے کیس کی سماعت غیر معینہ مدت تک کیلئے ملتوی کر دی ۔

موضوعات:

loading...